"Ерлікке тағзым"

2023жылы 5 мамыр күні Ұлы Жеңістің 78 жылдығына орай Кеңес Одағының Батыры Бейсен Онтаевтың өшпес ерлігін дәріптеуге арналған "Ерлікке тағзым"  тақырыбында мерекелік іс-шарасы болып өтті. Батырдың ұрпақтары мен әріптестері, мектеп ата - ана ұйым мүшесі Байтақов Арип Тутебаевич  білім ордасына қонақ ретінде шақырылды. Білікті басшы, Б. Онтаевтың өмірі мен зерттеумен айналасып жүрген педагог - ғалым С. А. Мамытбаева мектеп мұғалімдері мен білім алушылардың батырдың соғыстағы жауынгерлік жолы туралы құнды мәліметтер айтты.
Іс-шараның соңы мерекелік концертке ұласты. Оқушылар  Десна және Днепр өзені бойындағы ерлігі туралы сахналық көрініс көрсетіп, көрермендердің ризалығына бөленді. Батырдың соғыста және соғыстан кейін алған марапаттары туралы 6"А" сынып оқушысы Б. Абдулла таныстырылым жасады. Бастауыш сынып мұғалімі А. Спабекова оқушылары мен Б. Онтаев туралы жазылған поэзиялық туындылары мәнерлеп оқыды. Патриоттық тақырыпта әндер шырқалып, билер биленді. Кеш соңында батырдың ұрпақтары мен әріптестері өз естеліктерімен бөлісіп, ризашылықтарын білдірді.
Мектеп оқушылары батырдың өнегелі ғұмырынан нәр алып, бойларындағы қазақстандық патриотизмді асқақтата   түсті. Отаншылдық әсіресе, өскелең ұрпаққа, тарих көшіне ілесіп бара жатқан жас Тәуелсіз Қазақстан үшін ауадай қажет.